Икона Богородицы «НЕУПИВАЕМАЯ ЧАША»

Описание: Икона БогоМатери НЕУПИВАЕМАЯ ЧАША явилась миру как неистощимый источник помощи для тех, кого неодолимо влечёт губительная страсть винопития. Явление образа произошло в 1878 году. Одержимый недугом пьянства крестьянин Ефремовского уезда Тульской губернии, заслуженный отставной солдат пропивал всё, что находил в своём доме, и практически дошёл до нищенского состояния. От непомерного пьянства у него даже отнялись ноги, но пить он не переставал.

И вот этому совершенно уже опустившемуся человеку однажды во сне явился светоносный старец, повелев идти в монастырь города Серпухова и отслужить перед иконой Божией Матери «Неупиваемая Чаша» молебен, после чего он будет исцелён от пагубного недуга.

Без гроша в кармане, не владея ногами, крестьянин не рискнул отправиться в путешествие. Но святой старец явился ему второй, третий раз и уже настолько грозно приказал исполнить повеление, что несчастный пьяница немедленно отправился в путь, преодолевать который ему пришлось на четвереньках.

Придя в монастырь и рассказав о своих сновидениях, страждущий попросил отслужить молебен. Но никто в монастыре не знал иконы Божией Матери с названием Неупиваемая Чаша. Тогда кому-то пришла мысль: а не та ли это икона Богородицы, которая висит в проходе из храма в ризницу с изображением чаши. И каково же было удивление всех, когда на обратной стороне иконы действительно увидели надпись: «Неупиваемая Чаша». Знаменательно было и то, что, взглянув на икону преподобного Варлаама, ученика святителя Московского Алексия, недугующий крестьянин сразу же узнал того старца, который являлся ему во сне. Из Серпухова он возвратился вполне здоровым.

Весть о чудном прославлении иконы Божией Матери Неупиваемая Чаша быстро распространилась не только в Серпухове, но и по всей России. Одержимые страстью пьянства, их родные и близкие спешили к чудотворной иконе с молитвами об исцелении от недуга, и многие, очень многие, приходили уже для того, чтобы возблагодарить Богородицу за Её милость.

В настоящее время в возрождённом Серпуховском Высоцком монастыре каждое воскресенье по окончании Божественной литургии совершается молебен с акафистом и водоосвящением, за которым поминают имена тех, кто страдает пристрастием к винопитию и нуждается в благодатной помощи Божией Матери.

Что изображает икона Божьей Матери Неупиваемая Чаша?

По иконографии она относится к типу одного из древнейших изображений Божией Матери — «Оранта», только Богомладенец написан стоя-щим в чаше. Чаша с благословляющим Богомладенцем — это чаша Причащения, источающая приступающим к нем с верою все благословения, дарованные грешному роду че-ловеческому искупительным подвигом Господа нашего Иисуса Христа. Эта чаша действительно Неупиваемая, или неиспиваемая, потому что Агнец ее «всегда ядомый и ни-когда же иждиваемый». А Матерь Божия с воздетыми вверх пречистыми руками, как могучий первосвященник, ходатайственно возносит Богу эту Жертву — Своего закланного Сына, заимствовавшего плоть и кровь от Ее пречистых кровей, в пренебесный жертвенник за спасение всего мира, и предлагает в снедь верным. Она молится за всех грешников, всем хочет спасения, вместо низких губительных пристрастий призывает к неистощимому источнику духовной радости и утешения. Она возвещает что Неупиваемая чаша небесной помощи и милосердия уготована каждому нуждающемуся.

Молитвы к Пресвятой Богородице перед Ея иконой, именуемой «Неупиваемая чаша»

Молитва первая перед иконой Неупиваемая чаша

О, Премилосердая Владычице! К Твоему заступлению ныне прибега-ем, молений наших не презри, но милостивно услыши нас: жен, детей, ма-терей и тяжким недугом пианства одержимых, и того ради от матере своея — Церкви Христовой и спасе-ния отпадающих, братьев и сестер и сродник наших исцели. О, Милостивая Мати Божия, коснися сердец их и скоро возстави от падений греховных, ко спасительному воздержанию приведи их. Умоли Сына Своего, Христа Бога нашего, да простит нам согрешения наша и не отвратит милости Своея от людей Своих, но да укрепит нас в трезвении и целомудрии. Приими, Пресвятая Богородице, молитвы матерей, о чадех своих слезы проливающих, жен, о мужех своих рыдающих, чад, сирых и убогих, заблуждшими оставленных, и всех нас, к иконе Твоей припадающих. И да приидет сей вопль наш, молит-вами Твоими, ко Престолу Всевыш-няго. Покрый и соблюди нас от лукаваго ловления и всех козней вражиих, в страшный же час исхода нашего помози пройти непреткновенно воздушныя мытарства, молитвами Твоими избави нас вечнаго осуждения, да по-кроет нас милость Божия в несконча-емые веки веков. Аминь.

Молитва вторая перед иконой Неупиваемая чаша

Царице наша Преблагая, надеждо наша, Пресвятая Богородице, прияте-леще сирых и странных Заступнице, бедствующих помоще и озлобленных покрове. Зрише нашу беду, зрише нашу скорбь: отвсюду искушениями одержимы есмы, а заступающего несть. Ты убо Сама помози нам, яко немощны, окорми, яко странны, настави нас, яко заблудших, уврачуй и спаси нас, яко безнадежных. Не има-мы иныя помощи, ни инаго предстательства, ни утешения, токмо Тебе, о Мати всех скорбных и обремененных. Призри на нас, грешных и во озлоблении сущих, покрый нас Честным Твоим Омофором. Да избавлени бу-дем от зол, обышедших нас, наипаче же пиянства. Да восхвалим всегда Пресвятое имя Твое. Аминь.

Акафист Пресвятой Богородице перед Ея иконой, именуемой «Неупиваемая чаша»

Кондак 1

Избранное и дивное избавление нам даровася, — Твой образ честный, Владычице Богородице, яко избавльшеся явлением его от недугов душевных и телесных и скорбных обстояний, благодарствен-ная хваления прино-сим Ти, Всемилостивая Заступнице. Ты же, Владычице, «Неупиваемою Чашею» нами именуемая, приклонися благоутробно к нашим воздыханиям и воплем сердечным, и избавление подаждь страждущим недугом пианства, да с верою воз-зовем Ти: Радуйся, Владычице, Неупиваемая Чаша, духовную жажду нашу утоля-ющая.

Икос 1

Ангельстии чины и праведников сонми непрестанно славят Тя, Царицу Богородицу, ходатаицу о многогрешнем роде христианском, погрязшем в беззаконии и пребывающем во гресех, ибо во утешение и спасение даруеши ему милость Свою чрез многоименуемыя чудотворныя иконы Твоя, их же яко звезды небесныя по всей земли нашей зрим к единому же из сих образов, «Неупиваемая Чаша» именуемому, припадающе, из глубины сердца взываем Ти: Радуйся, неприступнаго Божества селение; радуйся, непрестанное людей удивление. Радуйся, скорбьми грехи наша очищающая, радуйся печа-льми наша немощи врачующая. Радуйся, милость Свою чрез чудотворныя иконы Твоя нам свыше посылающая; радуйся, явлением их скорбныя сердца наша возвеселяющая. Радуйся, пречудное всех с Богом примирение; радуйся, геенны вечныя избавление.Радуйся, Владычице, Неупиваемая Чаша, духовную жажду нашу утоляющая.

Кондак 2

Видящи Пресвятая Владычице скорби сердечныя, муки душевныя, искрен-нее покаяние людей, одержимых губительным пороком пианства, благоволила еси явити Богоспасаемому граду Сер-пухову милость Свою явлением пречуднаго образа Своего «Неупиваемая Чаша», да вси к нему припадающе с верою и со-крушенным сердцем, получивше исцеле-ние от тяжкаго недуга своего из глубины души вопиют Богу: Аллилуиа.

Икос 2

Разумев трикратное явление преподобнаго Варлаама и повеление его в путь шествовати в Богоспасаемый град Серпухов, человек некий, страстию пианства одержимый, обрете тамо в мо-настыре икону Твою святую «Неупиваемая Чаша» именуемую. Мы же, видяще таковое о нас грешных попечение, с благо-говением вопием Ти: Радуйся, чрез благочестивых людей славу чудес Твоих грешным открываю-щая; радуйся, путеводительнице прозорливая, путь спасения им показующая. Радуйся, всеблагая наша наставнице, любовию Твоею нас привлекающая; радуйся, за вся благодения Твоя благодарению нас научающая. Радуйся, скорбь нашу в радость пре-творяющая; радуйся, несомненною надеждою нас увеселяющая. Радуйся, губительныя страсти наша разрушающая; радуйся, благим намерением способствую-щая. Радуйся, Владычице, Неупиваемая Ча-ша, духовную жажду нашу утоляющая.

Кондак 3

Сила Вышняго и благодать Владычицы укрепляше некоего человека, страждущаго недугом пианства, егда он, нози расслаблены имуще, иде во град Серпухов, повеление БогоМатери чрез преподобнаго Варлаама реченное испол-няя. Пришед же во град сей, обрете икону Пречистыя БогоМатери, абие исцеле от недуга своего душевнаго и телеснаго, и из глубины души благодарственно воззва Богу: Аллилуиа.

Икос 3

Имуще источник неоскудеваемый, неупиваемую чашу небесных даро-ваний, не токмо люди града Серпухова, но и вси православнии христианы иных градов и весей притекающий к Твоему пречудному образу «Неупиваемая Чаша» именуемому, и пред сим получивше исцеление, припадающе, благодарными усты вопиют Ти: Радуйся, купеле, в нейже вся скорби наша погружаются; радуйся, чаше, ею же радость спасения нашего восприемлем. Радуйся, наша немощи душевныя и телесныя врачующая; радуйся, страсти наша силою молитв Твоих укрощающая. Радуйся, коемуждо во всякой потреби просящим полезная дарующая; радуйся, безчисленныя щедроты всем подающая. Радуйся, милости сокровище нам открывающая; радуйся, милосердие к падшим являющая. Радуйся, Владычице, Неупиваемая Чаша, духовную жажду нашу утоляющая.

Кондак 4

Бурю внутрь имущии помышлений сумнительных, но с искренним покаянием притекающии к Твоему неиз-реченному милосердию, одержимии пианственною страстью, получают исцеление, и из глубины сердца вопиют рожденному от Тебе Спасителю нашему: Аллилуиа.

Икос 4

Слыша Господь тяжкия скорби, вопли и плач жен, стариц, детей, сродницы коих обуреваеми суть пианственною страстию, дарова им, Владычице, Твою иконы, от нея же вси притекающии обретают утешение и радость духовную, и вопиют Ти со слезами: Радуйся, Агнице, рождшая Агнца, вземлющаго грехи мира; радуйся чаше, черплющая нам радость от источника безсмертия. Радуйся, скорбных матерей утешение; радуйся, безнадежных надеждо. Радуйся, притекающих к Тебе благодатное охранение; радуйся, скорбящих отрадо и увеселение. Радуйся, волнение страсти пианства утишающая; радуйся, руку помощи Твоея требующим простирающая. Радуйся, Владычице, Неупиваемая чаша, духовную жажду нашу утоляющая.

Кондак 5

Яко Боготечную звезду, честную икону Твою Ты нам показала еси, Владычице мира, юже мы зряще, с верою сердечною молящеся Тебе, Богородице, глаголем: Изцели пианством и иною болезнею душевною и телесною страждущих, верных же научи воспевати хвалу Богу: Аллилуиа.

Икос 5

Видяще чудеса преславныя и знамения пречудныя, бываемыя не токмо от иконы Твоея, Богоматере, во граде Серпухове явленныя, но и от по подобию сея иконы списанных изображений, припадающе к ним, смиренно вопием Ти: Радуйся, скоропредстательная помощнице усердно к Тебе притекающих; радуйся, благосердная услышательнице молений наших. Радуйся, град Серпухов благословением Твоим осенившая; радуйся, в пределах Московских славу чудес, твоих показавшая. Радуйся, всем требующим сокровище исцелений неоскуд-ное; радуйся, в трезвении благоподвизающихся всемощная Покро-вительнице. Радуйся, ведущим брань противу мира, плоти, диавола и пианства добрая споспешнице; радуйся, в мире благочестно живущих Усердная Заступнице. Радуйся, Владычице, Неупиваемая Чаша, духовную жажду нашу утоляющая.

Кондак 6

Проповедающе чудеса Твоя, Богородительнице, от иконы Твоея «Неупиваемая Чаша», именуемая бываемыя, молим Тя, Пречистая, со слезами: Избави всех нас от виннаго пристрастия и от падения греховнаго, научи нас воз-держанию, подвизая воспевати Богу: Аллилуиа.

Икос 6

Возсияла еси в светлости Божественныя славы, Дево Бого-отроковице, на Младенца, Превечнаго Бога, Господа нашего Иисуса Христа зряще, Иже в сосуде, аки в неупиваемой чаше предстоит, яко же Тя видим изображенную на иконе Твоей «Неупиваемая Чаша» таинственно пронареченней, от неяже избавление от пианственныя страсти притекающим с верою даруеши: сего ради со слезами приносим Тебе гласы немолчныя сице: Радуйся, яко о Тебе радуется и торже-ствует ангельский собор и человеческий род; радуйся, яко Твоя слава превосходит похвалы земныя и небесныя. Радуйся, таинственным изображением Сына в сосуде Тайну Божественныя Евхаристии нам открывающая; радуйся, рожденнаго Тобою Агнца, всегда ядомага и никогдаже иждиваемаго, нам дивно указующая. Радуйся, Чаше жизни безсмертия, ко вратам вечныя жизни нас приводящая; ра-дуйся, источником нетления и радости жаждущия души, напояющая, Радуйся, неисчетною благостию не оставляющая самых презренных. и отверженных; радуйся, от рова погибели милосердием Твоим исхищающая безнадежных. Радуйся, Владычице, Неупиваемая Чаша, духовную жажду нашу утоляющая.

Кондак 7

Хотя человек некий возблагодарити Тя, Владычице, за исцеление от недуга пианства, украси Твою пречудную икону, Богомати, во граде Серпухове пребывающую, из глубины сердца вос-певая Богу: Аллилуиа.

Икос 7

Новое чудо видим, Владычице от ико-ны Твоея, святая; страж-дующий бо недугом пианства некий раб Божий Стефан, прибегая к Твоему матернему предстательству, от тяжкаго недуга своего избавися, и благодаряще Тя, благолепными дары икону Твою украси, и припа-дающе к ней, со слезами возопи Тебе тако: Радуйся, Живоносный Источниче исцелений; радуйся, Чаше небесная Божественных дарова-ний. Радуйся, реко исцелений приснотекущая; радуйся, море, вся наша страсти потопляющее. Радуйся, под тяжестью греха пианства падающих матернима рукама Твоима возставляющая; радуйся, благо-дарственныя дары не отвергающая. Радуйся, сердца благочестивых людей возвеселяющая; радуйся, вся благая прошения наша исполняющая. Радуйся, Владычице, Неупиваемая Чаша, духовную жажду нашу утоляющая.

Кондак 8

Странно и сумнительно неверующим слышати, како икона Твоя святая «Неупиваемая Чаша» Божественных исцелений источает чудо. Мы же, верующие слову Твоему, Владычице, реченному к первописанней Твоей иконе: «Благодать Рождшагося от Мене и Моя с сею иконою да будет», — веруем, яко и сия икона Твоя благодать Твою источает. Тем же благо-говейно поклоняющиеся, лобызаем ю, вопиюще Богу: Аллилуиа.

Икос 8

Все упование людие страждущие неду-гом пианства на Тя, Владычице, воз-лагают. Приклонися к немощем и страстен нашим, кто бо нас грешных изведет из рова погибели и нищеты духовныя и телесныя, аще не ты, Владычица, сего ради приклонше колена пред Твоим Пречистым Образом вопием Ти тако: Радуйся, моления грешников не отвергающая; радуйся, призывающим Тя Свою небесную помощь ниспосылающая. Радуйся, глубину милосердия Твоего грешным показующая; радуйся, отчаянных и безнадежных обод-ряющая. Радуйся, одержимым страстью пианства руку помощи простирающая; радуйся терпеливых страдальцев благодатными дары утешающая. Радуйся, недуги наша душевныя и телесныя врачующая; радуйся, суетныя радости мира сего презирати нас научающая. Радуйся, Владычице, Неупиваемая Чаша, духовную жажду нашу утоляющая.

Кондак 9

Всякое естество ангельское удивися делу Твоего милосердия, Господи яко даровал еси грешному роду человеческому твердую Заступницу и Помощницу, к нашим немощем приклоняющуюся, и от горькаго недуга пианства освобождающую, верныя же научающую нети Богу: Аллилуиа.

Икос 9

Ветии человечестии недоумеют восхвалити по достоянию славное, Вла-дычице, иконы Твоея явление. Ниже мы, грешнии, от скверных устен наших возможем принести достойное похваление Заступнице нашей. Обаче неисчетныя чудеса иконою Твоею являемая видевше, душею и сердцем радуйся, Тебе глаголем: Радуйся, от священнаго лика Твоего чудеса источающая; радуйся, от бед и скорбей скоро избавляющая. Радуйся, отвергающих Тя посрамляющая; радуйся, от всякаго зла прибегающих к Тебе сохраняющая. Радуйся, кротким сиянием Твоим мрак греха и мглу страстей наших разгоняющая; радуйся, души наша любовию к Тебе и Сыну Твоему исполняющая. Радуйся, на стезю покаяния нас премудре наставляющая; радуйся, добраго от-вета пред Судиею Праведным нам усерд-ная Ходатаица. Радуйся, Владычице, Неупиваемая Чаша, духовную жажду нашу утоляющая.

Кондак 10

Спасти хотя многая страждущия недугом пианства, чудную икону Твою, Богомати, даровала еси, да вси одержими сею страстию к чудотворному образу Твоему притекают, и получивше исцеление во умилении взывают Богу: Аллилуиа.

Икос 10

Стена еси и щит, Богомати, людем страждущим недугом пианства, и всем, усердно к Тебе притекающим и икону Твою святую благоговейно чтущим. Ибо сию дарова нам благих податель Господь в помощь и врачевство от губительной страсти, и сим внушает нам пети Тебе: Радуйся, отчаянных Надеждо и печа-лей наших утоление; радуйся, болезней душевных и телесных исцеление. Радуйся, нашу скверну чис-тотою Твоею очищающая; радуйся, Своею благодатию наше недостоинство просвещающая. Радуйся, брение наше тленное в нетление облекающая; радуйся, моления наша Твоим предстательством подкрепляющая. Радуйся, в неможении нашем нас утверждающая; радуйся, облегающий нас облак страстей скоро разгоняющая. Радуйся, Владычице, Неупиваемая Чаша, духовную жажду нашу утоляющая.

Кондак 11

Пение нашесмиренное от полноты любви и усердия Тебе приносимое, не презри, Чистая, и не отврати от отчаявшихся и страждущих недугом пианства лика Своего, но помози им и нам очиститися от всякия скверны греховныя, да возможем достойно и праведно пети Богу: Аллилуиа.

Икос 11

Светоприемную свещу зрим Тя, Пресвятая Дево, ибо образ Твой святый лучами благодати Твоея мглу греховную прогоняет и на светлую стезю добродетелей наставляет, с верою зовущих Ти таковая: Радуйся, заступлением Твоим от суеты мира сего многомятежнаго нас избавляющая; радуйся, приражения страстей плот-ских отражати нам помогающая. Радуйся, мысль благу в сердце наше полагающая; радуйся, нечистую совести нашу просвещающая. Радуйся, от мучительнаго недуга пианства страждущих избавляющая; радуйся, к искреннему покаянию и вразумлению призывающая. Радуйся, души всех озлобленных умягчающая; радуйся, на помощь Тя призывающих и имя Твое славящих спасающая. Радуйся, Владычице, Неупиваемая Чаша, духовную жажду нашу утоляющая.

Кондак 12

Благодать Божия, присущая иконе Твоей «Неупиваемая Чаша» именуемой, влечет к ней, Владычице, всех скорбящих, обездоленных, вдов и стариц, а наипаче же всех страждущих, недугом пианства, и не тщетны отходят, Пречистая, от неупиваемой чаши Твоих Божественных дарований, но неоскудно получающе цельбы чудотворнаго образа Твоего. Всеблагая, благодарственно поют Богу: Аллилуиа.

Икос 12

Поюще Твоя чудеса и велию милость людем, одержимым страстию пиан-ства явленныя, молим Тя, Владычице, спаси и помилуй, и настави нас на стезю праву, и не остави нас, покрова Твоего ищущих и зовущих Ти: Радуйся, воздержанию от греха пианства всех подвизающая; радуйся, от пристрастия к вину росою милости Твоея свобождающая.

Радуйся, страждущих от тяжкаго греха пианства присное врачевание; радуйся, бедствующим в страстех Скорая Помощнице. Радуйся, малодушных дивное ободрение; радуйся, благодушных велия радость. Радуйся, гордых смиряющая; радуйся смиренныя возвышающая и всем спасения желающая. Радуйся, Владычице, Неупиваемая Чаша, духовную жажду нашу утоляющая.

Кондак 13

О Премилостивая Мати Сладчайшаго Господа нашего Иисуса Христа! Нынешнее наше услыши моление и избави нас от всех недугов душевных и телесных, наипаче же; освободи страждущих недугом пианства рабов Твоих (имена), да не во зле погибнут, но да спасенныя Тобою присно вопиют Богу: Аллилуиа.

(Этот кондак читается трижды, затем читается икос 1 и кондак 1)

Создан 24 сен 2013

Кондак 1
Избранное и дивное избавление нам даровася, - Твой образ честный, Владычице Богородице, яко избавльшеся явлением его от недугов душевных и телесных и скорбных обстояний, благодарственная хваления приносим Ти, Всемилостивая Заступнице. Ты же, Владычице, «Неупиваемою Чашею» нами именуемая, приклонися благоутробно к нашим воздыханием и воплем сердечным, и избавление подаждь страждущим недугом пианства, да с верою воззовем Ти: Радуйся, Владычице, Неупиваемая чаша, духовную жажду нашу утоляющая.

Икос 1
Ангельстии чини и праведников сонмы непрестанно славят Тя, Царицу Богородицу, ходатаицу о многогрешнем роде христианском, погрязшем в беззаконии и пребывающем во гресех, ибо во утешение и спасение даруеши ему милость Свою чрез многоименуемыя чудотворныя иконы Твоя, ихже яко звезды небесныя по всей земли нашей зрим; к единому же из сих образов, «Неупиваемая Чаша» именуемому, припадающе, из глубины сердца взываем Ти: Радуйся, неприступнаго Божества селение; радуйся, непрестанное людей удивление. Радуйся, скорбями грехи наша очищающая; радуйся, печальми наша немощи врачующая. Радуйся, милость Свою чрез чудотворныя иконы Твоя нам свыше посылающая; радуйся, явлением их скорбная сердца наша возвеселяющая. Радуйся, пречудное всех с Богом примирение; радуйся, геенны вечныя избавление. Радуйся, Владычице, Неупиваемая Чаша, духовную жажду нашу утоляющая.

Кондак 2
Видящи, Пресвятая Владычице, скорби сердечныя, муки душевныя, искреннее покаяние людей, одержимых губительным пороком пианства, благоволила еси явити Богоспасаемому граду Серпухову милость Свою явлением пречуднаго образа Своего «Неупиваемая Чаша», да вси к нему припадающе с верою и сокрушенным сердцем, получивше исцеление от тяжкаго недуга своего, из глубины души вопиют Богу: Аллилуа.

Икос 2
Разумев трикратное явление преподобнаго Варлаама и повеление его в путь шествовати в богоспасаемый град Серпухов, человек некий, страстию пианства одержимый, обрете тамо в монастыре икону Твою святую «Неупиваемая Чаша» именуемую. Мы же, видяще таковое о нас, грешных, попечение, с благоговением вопием Ти: Радуйся, чрез благочестивых людей славу чудес Твоих грешным открывающая; радуйся, путеводительнице прозорливая, путь спасения им показующая. Радуйся, всеблагая наша наставнице, любовию Твоею нас привлекающая; радуйся, за вся благодеяния Твоя благодарению нас научающая. Радуйся, скорбь нашу в радость претворяющая; радуйся, несомненною надеждою нас увеселяющая. Радуйся, губительныя страсти наша разрушающая; радуйся, благим намерением способствующая. Радуйся, Владычице, Неупиваемая Чаша, духовную жажду нашу утоляющая.

Кондак 3
Сила Вышняго и благодать Владычицы укрепляше некоего человека, страждущаго недугом пианства, егда он, нозе расслаблены имуще, иде во град Серпухов, повеление Богоматери, чрез преподобнаго Варлаама реченное, исполняя. Пришед же во град сей, обрете икону Пречистыя Богоматери, абие исцеле от недуга своего, душевнаго и телеснаго, и из глубины души благодарственно воззва Богу: Аллилуа.

Икос 3
Имуще источник неоскудеваемый, неупиваемую чашу небесных дарований, не токмо люди града Серпухова, но и вси православнии христианы иных градов и весей, притекающии к Твоему пречудному образу, «Неупиваемая Чаша» именуемому, и пред сим получив исцеление, припадающе, благодарными устами вопиют Ти: Радуйся, купель, в нейже вся скорби наша погружаются; радуйся, чаше, еюже радость спасения нашего восприемлем. Радуйся, наша немощи душевныя и телесныя врачующая; радуйся, страсти наша силою молитв Твоих укрощающая. Радуйся, коемуждо во всякой потребе просящим полезная дарующая; радуйся, безчисленныя щедроты всем подающая. Радуйся, милости сокровище нам открывающая; радуйся, милосердие к падшим являющая. Радуйся, Владычице, Неупиваемая Чаша, духовную жажду нашу утоляющая.

Кондак 4
Бурю внутрь имущии помышлений сумнительных, но с искренним покаянием притекающии к Твоему неизреченному милосердию, одержимии пианственною страстию, получают исцеление, и из глубины сердца вопиют рожденному от Тебе Спасителю нашему: Аллилуа.

Икос 4
Слыша Господь тяжкия скорби, вопли и плач жен, стариц, детей, сродницы коих обуреваеми суть пианственною страстию, дарова им, Владычице, Твою икону, от неяже вси притекающии обретают утешение и радость духовную, и вопиют Ти со слезами: Радуйся, Агнице, рождшая Агнца, вземлющаго грехи мира; радуйся, чаше, черплющая нам радость от источника безсмертия. Радуйся, скорбных матерей утешение; радуйся, безнадежных надеждо. Радуйся, притекающих к Тебе благодатное охранение; радуйся, скорбящих отрадо и увеселение. Радуйся, волнение страсти пианства утишающая; радуйся, руку помощи Твоея требующим простирающая. Радуйся, Владычице, Неупиваемая Чаша, духовную жажду нашу утоляющая.

Кондак 5
Яко боготечную звезду, честную икону Твою Ты нам показала еси, Владычице мира, юже мы зряще, с верою сердечною молящеся Тебе, Богородице, глаголем: Изцели пианством и иною болезнию душевною и телесною страждущих, верных же научи воспевати хвалу Богу: Аллилуа.

Икос 5
Видяще чудеса преславныя и знамения пречудныя, бываемыя не токмо от иконы Твоея, Богоматери, во граде Серпухове явленныя, но и от по подобию сея иконы списанных изображений, припадающе к ним, смиренно вопием Ти: Радуйся, скоропредстательная помощнице усердно к Тебе притекающих; радуйся, благосердная услышательнице молений наших. Радуйся, град Серпухов благословением Твоим осенившая; радуйся, в пределах Московских славу чудес твоих показавшая. Радуйся, всем требующим сокровище исцелений неоскудное; радуйся, в трезвении благоподвизающихся всемощная покровительнице. Радуйся, ведущим брань противу мира, плоти, диавола и пианства добрая споспешнице; радуйся, в мире благочестно живущих усердная заступнице. Радуйся, Владычице, Неупиваемая Чаша, духовную жажду нашу утоляющая.

Кондак 6
Проповедающе чудеса Твоя, Богородительнице, от иконы Твоея, «Неупиваемая Чаша» именуемая, бываемыя, молим Тя, Пречистая, со слезами: избави всех нас от виннаго пристрастия и от падения греховнаго, научи нас воздержанию, подвизая воспевати Богу: Аллилуа.

Икос 6
Возсияла еси в светлости Божественныя славы, Дево Богоотроковице, на младенца, превечнаго Бога, Господа нашего Иисуса Христа, зряще, Иже в сосуде, аки в неупиваемей чаше предстоит, якоже Тя видим изображенную на иконе Твоей, «Неупиваемая Чаша» таинственно пронареченней, от неяже избавление от пианственней страсти притекающим с верою даруеши, сего ради со слезами приносим Тебе гласы немолчныя сице: Радуйся, яко о Тебе радуется и торжествует ангельский собор и человеческий род; радуйся, яко Твоя слава превосходит похвалы земныя и небесныя. Радуйся, таинственным изображением Сына в сосуде Тайну Божественныя Евхаристии нам открывающая; радуйся, рожденнаго Тобою Агнца, всегда ядомаго и никогдаже иждиваемаго, нам дивно указующая. Радуйся, Чаше жизни и безсмертия, ко вратам вечныя жизни нас приводящая; радуйся, источником нетления и радости жаждущия души напояющая. Радуйся, неисчетною благостию не оставляющая самых презренных и отверженных; радуйся, от рова погибели милосердием Твоим исхищающая безнадежных. Радуйся, Владычице, Неупиваемая Чаша, духовную жажду нашу утоляющая.

Кондак 7
Хотя человек некий возблагодарити Тя, Владычице, за исцеление от недуга пианства, украси Твою пречудную икону, Богомати, во граде Серпухове пребывающую, из глубины сердца воспевая Богу: Аллилуа.

Икос 7
Новое чудо видим, Владычице, от иконы Твоея святая; страждущий бо недугом пианства некий раб Божий Стефан, прибегая к Твоему матернему предстательству, от тяжкаго недуга своего избавися, и благодаряще Тя, благолепными дары икону Твою украси, и припадающе к ней, со слезами возопи Тебе тако: Радуйся, Живоносный Источниче исцелений; радуйся, Чаше небесная Божественных дарований. Радуйся, реко исцелений приснотекущая; радуйся, море, вся наша страсти потопляющее. Радуйся, под тяжестию греха пианства падающих матернима рукама Твоима возставляющая; радуйся, благодарственныя дары не отвергающая. Радуйся, сердца благочестивых людей возвеселяющая; радуйся, вся благая наша прошения исполняющая. Радуйся, Владычице, Неупиваемая Чаша, духовную жажду нашу утоляющая.

Кондак 8
Странно и сумнительно неверующим слушати, како икон Твоя святая «Неупиваемая Чаша» Божественных исцелений источает чудо. Мы же, верующие слову Твоему, Владычице, реченному к первописанней Твоей иконе: «Благодать Рождшагося от Мене и Моя с сею иконою да будет», - веруем, яко и сия икона Твоя благодать Твою источает. Темже благоговейно поклоняющееся, лобызаем ю, вопиюще Богу: Аллилуа.

Икос 8
Все упование людие, страждущии недугом пианства, на Тя, Владычице, возлагают. Приклонися к немощем и страстем нашим, кто бо нас, грешных изведет из рова погибели и нищеты духовныя и телесныя, аще не ты, Владычице; сего ради приклонше колена пред Твоим пречистым образом вопием Ти тако: Радуйся, моления грешников не отвергающая; радуйся, призывающим Тя Свою небесную помощь ниспосылающая. Радуйся, глубину милосердия Твоего грешным показующая; радуйся, отчаянных и безнадежных ободряющая. Радуйся, одержимым страстию пианства руку помощи простирающая; радуйся, терпеливых страдальцев благодатными дарами утешающая. Радуйся, недуги наша, душевныя и телесныя, врачующая; радуйся, суетныя радости мира сего презирати нас научающая. Радуйся, Владычице, Неупиваемая Чаша, духовную жажду нашу утоляющая.

Кондак 9
Всякое естество ангельское удивися делу Твоего милосердия, Господи, яко даровал еси грешному роду человеческому твердую Заступницу и Помощницу, к нашим немощем приклоняющуюся, и от горькаго недуга пианства свобождающую, верныя же научающую пети Богу: Аллилуа.

Икос 9
Ветия человечестии недоумеют восхвалити по достоянию славное, Владычице, иконы Твоея явление, ниже мы, грешнии, от скверных устен наших возможем принести достойное похваление Заступнице нашей. Обаче неисчетная чудеса, иконою Твоею являемая, видевше, душею и сердцем радуяся, Тебе глаголем: Радуйся, от священнаго лика Твоего чудеса источающая; радуйся, от бед и скорбей скоро избавляющая. Радуйся, отвергающих Тя посрамляющая; радуйся, от всякаго зла прибегающих к Тебе сохраняющая. Радуйся, кротким сиянием Твоим мрак греха и мглу страстей наших разгоняющая; радуйся, души наша любовию к Тебе и Сыну Твоему исполняющая. Радуйся, на стезю покаяния нас премудре наставляющая; радуйся, добраго ответа пред Судиею Праведным нам усердная ходатаице. Радуйся, Владычице, Неупиваемая Чаша, духовную жажду нашу утоляющая.

Кондак 10
Спасти хотя многия страждущия недугом пианства, чудную икону Твою, Богомати, даровала еси, да вси, одержимии сею страстию, к чудотворному образу Твоему притекают, и, получив исцеление, во умилении взывают Богу: Аллилуа.

Икос 10
Стена еси и щит, Богомати, людем, страждущим недугом пианства, и всем, усердно к Тебе притекающим, и икону Твою святую благоговейно чтущим. Ибо сию дарова нам благих податель Господь в помощь и врачевство от губительной страсти, и сим внушает нам пети Тебе: Радуйся, отчаянных надеждо и печалей наших утоление; радуйся, болезней душевных и телесных исцеление. Радуйся, нашу скверну чистотою Твоею очищающая; радуйся, Своею благодатию наше недостоинство просвещающая. Радуйся, брение наше тленное в нетление облекающая; радуйся, моления наша Твоим предстательством подкрепляющая. Радуйся, в неможении нашем нас утверждающая; радуйся, облегающий нас облак страстей скоро разгоняющая. Радуйся, Владычице, Неупиваемая Чаша, духовную жажду нашу утоляющая.

Кондак 11
Пение наше смиренное, от полноты любви и усердия Тебе приносимое, не презри, Чистая, и не отврати от отчаявшихся и страждущих недугом пианства лика Своего, но помоги им и нам очиститься от всякия скверны греховныя, да возможем достойно и праведно пети Богу: Аллилуа.

Икос 11
Светоприемную свещу зрим Тя, Пресвятая Дево, ибо образ Твой святый лучами благодати Твоея мглу греховную прогоняет и на светлую стезю добродетелей наставляет с верою зовущих Ти таковая: Радуйся, заступлением Твоим от суеты мира сего многомятежнаго нас избавляющая; радуйся, приражения страстей плотских отражати нам помогающая. Радуйся, мысль благу в сердце наше полагающая; радуйся, нечистую совесть нашу просвещающая. Радуйся, от мучительнаго недуга пианства страждущих избавляющая; радуйся, к искреннему покаянию и вразумлению призывающая. Радуйся, души всех озлобленных умягчающая; радуйся, на помощь Тя призывающих и имя Твое славящих спасающая. Радуйся, Владычице, Неупиваемая Чаша, духовную жажду нашу утоляющая.

Кондак 12
Благодать Божия, присущая иконе Твоей, «Неупиваемая Чаша» именуемой, влечет к ней, Владычице, всех скорбящих, обездоленных, вдов и стариц, а наипаче же всех страждущих недугом пианства, и не тщетны отходят, Пречистая, от неупиваемыя чаши Твоих Божественных дарований, но неоскудно получая цельбы от чудотворнаго образа Твоего, Всеблагая, благодарственно поют Богу: Аллилуа.

Икос 12
Поюще Твоя чудеса и велию милость, людем, одержимым страстию пианства, явленныя, молим Тя, Владычице, спаси и помилуй, и настави нас на стезю праву, и не остави нас, покрова Твоего ищущих и зовущих Ти: Радуйся, воздержанию от греха пианства всех подвизающая; радуйся, от пристрастия к вину росою милости Твоея свобождающая. Радуйся, страждущих от тяжкаго греха пианства присное врачевание; радуйся, бедствующим в страстех скорая помощнице. Радуйся, малодушных дивное ободрение; радуйся, благодушных велия радость. Радуйся, гордых смиряющая; радуйся смиренныя возвышающая и всем спасения желающая. Радуйся, Владычице, Неупиваемая Чаша, духовную жажду нашу утоляющая.

Кондак 13
О премилостивая Мати сладчайшаго Господа нашего Иисуса Христа! Нынешнее наше услыши моление и избави нас от всех недугов, душевных и телесных, наипаче же свободи страждущих недугом пианства рабов Твоих (имена), да не во зле погибнут, но да спасенныя Тобою, присно вопиют Богу: Аллилуа.

Этот кондак читается трижды, затем икос 1 и кондак 1.

Молитва
О премилосердная Владычице! К Твоему заступлению ныне прибегаем, молений наших не презри, но милостиво услыши нас: жен, детей, матерей; и тяжким недугом пианства одержимых и того ради от матере своея - Церкви Христовой и спасения отпадающих братий и сестер и сродник наших исцели.
О Милостивая Мати Божия, коснися сердец их и скоро возстави от падений греховных, ко спасительному воздержанию приведи их.
Умоли Сына Своего, Христа Бога нашего, да простит нам согрешения наша и не отвратит милости Своея от людей Своих, но да укрепит нас в трезвении и целомудрии.
Приими, Пресвятая Богородице, молитвы матерей, о чадах своих слезы проливающих, жен, о мужех своих рыдающих, чад, сирых и убогих, заблуждшими оставленных, и всех нас, к иконе Твоей припадающих. И да приидет сей вопль наш, молитвами Твоими, ко Престолу Всевышняго.
Покрый и соблюди нас от лукаваго ловления и всех козней вражиих, в страшный же час исхода нашего помоги пройти непреткновенно воздушная мытарства, молитвами Твоими избави нас вечнаго осуждения, да покроет нас милость Божия в нескончаемыя веки веков. Аминь.

Тропарь, глас 4-й:
Днесь притецем вернии к Божественному и пречудному образу Пресвятыя Богоматери, напaяющей верных сердца небесною Неупиваемою Чашею Своего милосердия, и людем верным чудеса показующей. Яже мы видяще и слышаще духовно празднуем и тепле вопием: Владычице Премилостивая, исцели наша недуги и страсти, молящи Сына Твоего, Христа Бога нашего, спасти души наша.

Кондак:
Избранное и дивное избавление нам даровася - Твой образ честный, Владычице Богородице, яко избавльшеся явлением его от недугов душевных и телесных и скорбных обстояний, благодарственная хваления приносим Ти, Всемилостивая Заступнице. Ты же, Владычице, Неупиваемою Чашею нами именуемая, приклонися благоутробно к нашим воздыханиям и воплем сердечным, и избавление подаждь страждущим недугом пианства, да с верою воззовем Ти: Радуйся, Владычице, Неупиваемая Чаше, духовную жажду нашу утоляющая.

Молитва:
О, Премилосердая Владычице! К Твоему заступлению ныне прибегаем, молений наших не презри, но милостивно услыши нас: жен, детей, матерей и тяжким недугом пианства одержимых, и того ради от матере своея - Церкви Христовой и спасения отпадающих, братьев и сестер, и сродник наших исцели. О, Милостивая Мати Божия, коснися сердец их и скоро возстави от падений греховных, ко спасительному воздержанию приведи их. Умоли Сына Своего, Христа Бога нашего, да простит нам согрешения наша и не отвратит милости Своея от людей Своих, но да укрепит нас в трезвении и целомудрии. Приими, Пресвятая Богородице, молитвы матерей, о чадех своих слезы проливающих, жен, о мужех своих рыдающих, чад, сирых и убогих, заблудшими оставленных, и всех нас, к иконе Твоей припадающих. И да приидет сей вопль наш, молитвами Твоими, ко Престолу Всевышняго. Покрый и соблюди нас от лукаваго ловления и всех козней вражиих, в страшный же час исхода нашего помоги пройти непреткновенно воздушныя мытарства, молитвами Твоими избави нас вечнаго осуждения, да покрыет нас милость Божия в нескончаемые веки веков. Аминь.

Молитва от недуга пьянства

Молитва:
Спаси, Господи, и помилуй рабов Твоих (имярек ) словесами Божественного Евангелия Твоего, читаемыми о спасении рабов Твоих сих (имярек ). Попали, Господи, терние всех согрешений их, вольных и невольных, и да вселится в них благодать Твоя, просвещающая, опаляющая, очищающая всего человека. Во имя Отца и Сына и Святаго Духа. Аминь.

Преподобному Моисею Мурину

Тропарь, глас 8-й:
В тебе, отче, известно спасеся еже по образу: приим бо Крест последовал еси Христу, и дея учил еси презирати убо плоть, преходит бо, прилежати же о души, вещи бессмертней. Темже и со ангелы срадуется, преподобне Моисее, дух твой.

Кондак, глас 4-й:
Мурины заушив, и лица демонов поплевав, мысленно просиял еси, якоже солнце светло, светом жития твоего и учением наставляя души наша.

Молитва:
О, великая сила покаяния! О, неизмеримая глубина милосердия Божия! Ты, преподобне Моисей, был прежде разбойником, но потом ужаснулся своих грехов, возскорбел о них, и в раскаянии пришел в монастырь, и там в великом плаче о своих бывших беззакониих и в трудных подвигах проводил дни свои до кончины, и удостоился Христовой благодати прощения и дара чудотворения. О, преподобне, ты от тяжких грехов достиг пречудных добродетелей! Помози и молящимся тебе рабом Божиим (имена), влекомым в погибель от того, что предаются безмерному, вредному для души и тела употреблению вина. Склони на них свой милостивый взор и не презри их, но внемли им, прибегающим к тебе. Моли, святе Моисей, Владыку Христа, чтобы не отверг их Он, Милосердный, и да не возрадуется диавол их погибели, но да пощадит Господь этих безсильных и несчастных (имена), которыми овладела пагубная страсть пьянства, ведь мы все Божии создания и искуплены Пречистой Кровию Сына Его. Услышь же, преподобный Моисей, их молитву, отгони от них диавола, даруй им силу победить их страсть, помоги им, простри твою руку, выведи их на путь добра, освободи от рабства страстей и избавь от их от винопития, чтобы они, обновленные, в трезвении и светлом уме, возлюбили воздержание и благочестие, вечно прославляли Всеблагого Бога, всегда спасающего Свои создания. Аминь.

Молитва святого праведного Иоанна Кронштадского

Господи, призри милостиво на раба Твоего (имя ), прельщенного лестью чрева и плотского веселья. Даруй ему (имя ), познать сладость воздержания в посте и проистекающих от него плодов Духа. Аминь.

Для избавления от страсти пьянства рекомендуется также читать ежедневно главу 15 Евангелия от Иоанна.

Святителю Вонифатию Милостивому

Тропарь, глас 4-й:
Правило веры и образ кротости, воздержания учителя яви тя стаду твоему яже вещей истина: сего ради стяжал еси смирения высокая, нищетою богатая. Отче священноначальниче Вонифатиe, моли Христа Бога спастися душам нашим.

Кондак, глас 2-й:
Божественный гром, труба духовная, веры насадителю и отсекателю ересей, Троицы угодниче, великий святителю Вонифатиe, со ангелы предстоя присно, моли непрестанно о всех нас.

Молитва:
О, всесвятый Вонифатие, милостивый раб Милосердаго Владыки! Услыши прибегающих к тебе, одержимых пагубным пристрастием к винопитию, и, как в своей земной жизни ты никогда не отказывал в помощи просящим тя, так и теперь избави этих несчастных (имена ). Некогда, богомудрый отец, град побил твой виноградник, ты же, воздав благодарение Богу, велел немногие сохранившиеся грозды положйти в точиле и позвати нищих. Затем, взяв новое вино, ты разлил его по каплям во все сосуды, бывшие в епископии, и Бог, исполняющий молитву милостивых, совершил преславное чудо: вино в точиле умножилось, и нищие наполнили свои сосуды. О, святителю Божий! Как по твоей молитве умножилось вино для нужд церкви и для пользы убогих, так ты, блаженный, уменьши его теперь там, где оно приносит вред, избави от пристрастия к нему предающихся постыдной страсти винопития (имена ), исцели их от тяжкого недуга, освободи от бесовского искушения, утверди их, слабых, дай им, немощным, крепость и силу благоу спешно перенести это искушение, возврати их к здоровой и трезвой жизни, направи их на путь труда, вложи в них стремление к трезвости и духовной бодрости. Помоги им, угодник Божий Вонифатие, когда жажда вина станет жечь их гортань, уничтожи их пагубное желание, освежи их уста небесною прохладою, просвети их очи, постави их ноги на скале веры и надежды, чтобы, оставив свое душевредное пристрастие, влекущее за собой отлучение от Небеснаго Царствия, они, утвердившися в благочестии, удостоились непостыдной мирной кончины и в вечном свете бесконечного Царства Славы достойно прославляли Господа нашего Иисуса Христа со Безначальным Его Отцем и с Пресвятым и Животворящим Его Духом во веки веков. Аминь.

Молитва вторая Святому мученику Вонифатию

О, святый страстотерпче Христов, воине Царя Небеснаго, земная сладострастия презревый и к Горнему Иерусалиму страданием возшедый, мучениче Вонифатие! Услыши мя грешнаго, приносящаго от сердца молебная пения, и умоли Господа нашего Иисуса Христа простити вся моя согрешения, в ведении и в неведении мною содеянная. Ей, мучениче Христов, образ покаяния собою показавый грешным! Буди ми на злаго сопротивника диавола твоими молитвами к Богу помощник и заступник: много бо поревахся избегнути сетей его лукавых, но удицею греховною уловлен и крепко влачимь от него, не могу избавитися, аще не ты предстанеши ми, во обстояниих горькая терпящему, и колико покушахся покаятися, но ложь пред Богом бых. Сего ради к тебе прибегаю и молюся: спаси мя, святче Божий, от всех зол твоим предстательством, благодатию же Всесильнаго Бога, в Троице Святей славимаго и покланяемаго, Отца и Сына и Святаго Духа, ныне и присно и во веки веков. Аминь.

Святому мученику Вонифатию

Тропарь, глас 4-й:
К сословию послан мучеников, мученик был еси истинен пострадав за Христа крепчайше, всехвальне, мощми же возвратился еси верою пославшей тя, Вонифатие блаженне, моли Христа Бога прияти нам грехов прощение.

Кондак, глас 4-й:
Священие непорочное самовольно Тебе привел еси, Иже от Девы тебе ради родитися Хотящему, святе венченосче, премудре Вонифатие.

Молитва:
О, многострадальный и всехвальный мучениче Вонифатие! Ко твоему заступлению ныне прибегаем, молений нас, поющих тебе, не отвержи, но милостивно услыши нас. Виждь братию и сестры наша, тяжким недугом пианства одержимыя, виждь того ради от матери своея, Церкве Христовой, и вечнаго спасения отпадающия. О, святый мучениче Вонифатие, коснися сердцу их данною ти от Бога благодатию, скоро возстави от падений греховных и ко спасительному воздержанию приведи их. Умоли Господа Бога, Егоже ради страдал еси, да простив нам согрешения наша, не отвратит милости Своея от сынов Своих, но да укрепит в нас трезвение и целомудрие, да поможет Своею десницею трезвящимся спасительный обет свой до конца сохранити во дни и нощи, в Нем бодрствующе и о Нем добрый ответ на страшное судилище дати. Приими, угодниче Божий, молитвы матерей, о чадех своих слезы проливающих; жен честных, о мужех своих рыдающих, чад сирых и убогих, от пианиц оставленных, всех нас, к иконе твоей припадающих, и да приидет сей вопль наш молитвами ко Престолу Всевышняго даровати всем по молитвам их здравие и спасение душ и телес, наипаче же Царство Небесное. Покрый и соблюди нас от лукаваго ловления и всех козней вражиих, в страшный час исхода нашего помози прейти непреткновенно воздушныя мытарства и молитвами твоими избави вечнаго осуждения. Умоли же Господа даровати нам к отечеству нашему любовь нелицемерную и непоколебимую, пред врагами Церкве Святыя видимыми и невидимыми, да покроет нас милость Божия в нескончаемыя веки веков. Аминь.

Акафист иконе Божией Матери "Неупиваемая Чаша"

Акафист

иконе Божией Матери “НЕУПИВАЕМАЯ ЧАША”

Кондак 1

Избранное и дивное избавление нам даровася, Твой образ честный, Владычице Богородице, яко избавльшеся явлением его от недугов душевных и телесных и скорбных обстояний, благодарственная хваления приносим Ти, Всемилостивая Заступнице. Ты же, Владычице, “Неупиваемою Чашею” нами именуемая, приклонися благоутробно к нашим воздыханиям и воплем сердечным, и избавление подаждь страждущим недугом пианства, да с верою воззовем Ти: Радуйся, Владычице, Неупиваемая Чаша, духовную жажду нашу утоляющая.

Икос 1

Ангельские чины и праведников сонмы непрестанно славят Тя, Царицу Богородицу, ходатаицу о многогрешнем роде христианском, погрязшем в беззаконии и пребывающем во гресех, ибо во утешение и спасение даруеши ему милость Свою чрез многоименуемыя чудотворныя иконы Твоя, их же яко звезды небесныя по всей земли нашей зрим; к единому же из сих образов, “Неупиваемая Чаша” именуемому, припадающе, из глубины сердца взываем Ти:

Радуйся, неприступнаго Божества селение; радуйся, непрестанное людей удивление. Радуйся, скорбями грехи наша очищающая; радуйся, печальми наша немощи врачующая. Радуйся, милость Свою чрез чудотворныя иконы Твоя нам свыше посылающая; радуйся, явлением их скорбныя сердца наша возвеселяющая.Радуйся, пречудное всех с Богом примирение; радуйся, геенны вечныя избавление.Радуйся, Владычице, Неупиваемая Чаша, духовную жажду нашу утоляющая.

Кондак 2

Видяще Пресвятая Владычица скорби сердечныя, муки душевныя, искреннее покаяние людей, одержимых губительным пороком пианства, благоволила еси явити Богоспасаемому граду Серпухову милость Свою явлением пречуднаго образа Своего “Неупиваемая Чаша”, да вси к нему припадающе с верою и сокрушенным сердцем, получив исцеление от тяжкаго недуга своего, из глубины души вопиют Богу: Аллилуиа.

Икос 2

Разумев трикратное явление преподобнаго Варлаама и повеление его в путь шествовати в Богоспасаемый град Серпухов, человек некий, страстию пианства одержимый, обрете тамо в монастыре икону Твою святую, “Неупиваемая Чаша” именуемую. Мы же, видяще таковое о нас грешных попечение, с благоговением вопием Ти:

Радуйся, чрез благочестивых людей славу чудес Твоих грешным открывающая; радуйся, путеводительнице прозорливая, путь спасения им показующая.Радуйся, всеблагая наша наставнице, любовию Твоею нас привлекающая; радуйся, за вся благодеяния Твоя благодарению нас научающая.Радуйся, скорбь нашу в радость претворяющая; радуйся, несомненною надеждою нас увеселяющая.Радуйся, губительныя страсти наша разрушающая; радуйся, благим намерением способствующая. Радуйся, Владычице, Неупиваемая Чаша, духовную жажду нашу утоляющая.

Кондак 3

Сила Вышняго и благодать Владычицы укрепляше некоего человека, страждущаго недугом пианства, егда он, нози расслаблены имуще, иде во град Серпухов, повеление Богоматери, чрез преподобнаго Варлаама реченное, исполняя. Пришед же во град сей, обрете икону Пречистыя Богоматери, абие исцеле от недуга своего душевнаго и телеснаго и из глубины души благодарственно воззва Богу: Аллилуиа.

Икос 3

Имуще источник неоскудеваемый, неупиваемую чашу небесных дарований, не токмо люди града Серпухова, но и вси православные христианы иных градов и весей, притекающии к Твоему пречудному образу, “Неупиваемая Чаша” именуемому, и пред сим получив исцеление, припадающе, благодарными устами вопиют Ти:

Радуйся, купель, в нейже вся скорби наша погружаются; радуйся, чаше, ею же радость спасения нашего восприемлем. Радуйся, наша немощи душевныя и телесныя врачующая; радуйся, страсти наша силою молитв Твоих укрощающая. Радуйся, коемуждо во всякой потребе просящим полезная дарующая; радуйся, бесчисленныя щедроты всем подающая. Радуйся, милости сокровище нам открывающая; радуйся, милосердие к падшим являющая. Радуйся, Владычице, Неупиваемая Чаша, духовную жажду нашу утоляющая.

Кондак 4

Бурю внутрь имущии помышлений сумнительных, но с искренним покаянием притекающии к Твоему неизреченному милосердию, одержимии пианственною страстию, получают исцеление, и из глубины сердца вопиют рожденному от Тебе Спасителю нашему: Аллилуиа.

Икос 4

Слыша Господь тяжкие скорби, вопли и плач жен, стариц, детей, сродницы коих обуреваеми суть пианственною страстию, дарова им, Владычице, Твою икону, от нея же вси притекающии обретают утешение и радость духовную и вопиют Ти со слезами:

Радуйся, Агнице, рождшая Агнца, вземлющаго грехи мира; радуйся, чаше, черплющая нам радость от источника бессмертия. Радуйся, скорбных матерей утешение; радуйся, безнадежных надеждо. Радуйся, притекающих к Тебе благодатное охранение; радуйся, скорбящих отрадо и увеселение. Радуйся, волнение страсти пианства утишающая; радуйся, руку помощи Твоея требующим простирающая. Радуйся, Владычице, Неупиваемая Чаша, духовную жажду нашу утоляющая.

Кондак 5

Яко Боготечную звезду, честную икону Твою Ты нам показала еси, Владычице мира, юже мы зряще, с верою сердечною молящеся Тебе, Богородице, глаголем: Исцели пианством и иною болезнею душевною и телесною страждущих, верных же научи воспевати хвалу Богу: Аллилуиа.

Икос 5

Видяще чудеса преславныя и знамения пречудныя, бываемые не токмо от иконы Твоея, Богомати, во граде Серпухове явленныя, но и от по подобию сея иконы списанных изображений, припадающе к ним, смиренно вопием Ти:

Радуйся, скоропредстательная Помощнице усердно к Тебе притекающих; радуйся, благосердная услышательнице молений наших. Радуйся, град Серпухов благословением Твоим осенившая; радуйся, в пределах Московских славу чудес Твоих показавшая. Радуйся, всем требующим сокровище исцелений неоскудное; радуйся, в трезвении благоподвизающихся всемощная Покровительнице. Радуйся, ведущим брань противу мира, плоти, диавола и пианства добрая Споспешнице; радуйся, в мире благочестно живущих усердная Заступнице. Радуйся, Владычице, Неупиваемая Чаша, духовную жажду нашу утоляющая.

Кондак 6

Проповедающе чудеса Твоя, Богородительнице, от иконы Твоея, “Неупиваемая Чаша” именуемая, бываемыя, молим Тя, Пречистая, со слезами: Избави всех нас от виннаго пристрастия и от падения греховнаго, научи нас воздержанию, подвизая воспевати Богу: Аллилуиа.

Икос 6

Возсияла еси в светлости Божественныя славы, Дево Богоотроковице, на Младенца, Превечнаго Бога, Господа нашего Иисуса Христа зряще, Иже в сосуде, аки в неупиваемой чаше предстоит, якоже Тя видим изображенную на иконе Твоей, “Неупиваемая Чаша” таинственно пронареченней, от неяже избавление от пианственной страсти притекающим с верою даруеши: сего ради со слезами приносим Тебе гласы немолчныя сице:

Радуйся, яко о Тебе радуется и торжествует ангельский собор и человеческий род; радуйся, яко Твоя слава превосходит похвалы земныя и небесныя. Радуйся, таинственным изображением Сына в сосуде Тайну Божественныя Евхаристии нам открывающая; радуйся, рожденнаго Тобою Агнца, всегда ядомаго и никогдаже иждиваемаго, нам дивно указующая. Радуйся, чаше жизни и бессмертия, ко вратам вечныя жизни нас приводящая; радуйся, источником нетления и радости жаждущия души напояющая. Радуйся, неисчетною благостию не оставляющая самых презренных и отверженных; радуйся, от рова погибели милосердием Твоим исхищающая безнадежных. Радуйся, Владычице, Неупиваемая Чаша, духовную жажду нашу утоляющая.

Кондак 7

Хотя человек некий возблагодарити Тя, Владычице, за исцеление от недуга пианства, украси Твою пречудную икону, Богомати, во граде Серпухове пребывающую, из глубины сердца воспевая Богу: Аллилуиа.

Икос 7

Новое чудо видим, Владычице, от иконы Твоея святыя: страждущий бо недугом пианства некий раб Божий Стефан, прибегая к Твоему матернему предстательству, от тяжкаго недуга своего избавися, и, благодаряще Тя, благолепными дары икону Твою украси, и, припадающе к ней, со слезами возопи Тебе тако:

Радуйся, Живоносный Источниче исцелений; радуйся, чаше небесная Божественных дарований. Радуйся, реко исцелений приснотекущая; радуйся, море, вся наша страсти потопляющее. Радуйся, под тяжестью греха пианства падающих матернима рукама Твоима возставляющая; радуйся, благодарственныя дары не отвергающая. Радуйся, сердца благочестивых людей возвеселяющая; радуйся, вся благая прошения наша исполняющая. Радуйся, Владычице, Неупиваемая Чаша, духовную жажду нашу утоляющая.

Кондак 8

Странно и сумнительно неверующим слышати, како икона Твоя святая “Неупиваемая Чаша” Божественных исцелений источает чудо. Мы же, веруя слову Твоему, Владычице, реченному к первописанней Твоей иконе: “Благодать Рождшагося от Мене и Моя с сею иконою да будет”, - веруем, яко и сия икона Твоя благодать Твою источает. Темже благоговейно поклоняющиеся, лобызаем ю, вопиюще Богу: Аллилуиа.

Икос 8

Все упование людие, страждущие недугом пианства, на Тя, Владычице, возлагают. Приклонися к немощем и страстем нашим, кто бо нас грешных изведет из рова погибели и нищеты духовныя и телесныя, аще не Ты, Владычице, сего ради, преклонше колена пред Твоим пречистым образом, вопием Ти тако:

Радуйся, моления грешников не отвергающая; радуйся, призывающим Тя Свою небесную помощь ниспосылающая. Радуйся, глубину милосердия Твоего грешным показующая; радуйся, отчаянных и безнадежных ободряющая. Радуйся, одержимым страстию пианства руку помощи простирающая; радуйся, терпеливых страдальцев благодатными дарами утешающая. Радуйся, недуги наша душевныя и телесныя врачующая; радуйся, суетныя радости мира сего презирати нас научающая. Радуйся, Владычице, Неупиваемая Чаша, духовную жажду нашу утоляющая.

Кондак 9

Всякое естество ангельское удивися делу Твоего милосердия, Господи, яко даровал еси грешному роду человеческому твердую Заступницу и Помощницу, к нашим немощем приклоняющуюся и от горькаго недуга пианства свобождающую, верныя же научающую пети Богу: Аллилуиа.

Икос 9

Витии человечестии недоумеют восхвалити по достоянию славное, Владычице, иконы Твоея явление. Ниже мы, грешнии, от скверных устен наших возможем принести достойное похваление Заступнице нашей. Обаче неисчетныя чудеса, иконою Твоею являемая, видевше, душею и сердцем радуяся, Тебе глаголем:

Радуйся, от священнаго лика Твоего чудеса источающая; радуйся, от бед и скорбей скоро избавляющая. Радуйся, отвергающих Тя посрамляющая; радуйся, от всякаго зла прибегающих к Тебе сохраняющая. Радуйся, кротким сиянием Твоим мрак греха и мглу страстей наших разгоняющая; радуйся, души наша любовию к Тебе и Сыну Твоему исполняющая. Радуйся, на стезю покаяния нас премудре наставляющая; радуйся, добраго ответа пред Судиею Праведным нам усердная ходатаице. Радуйся, Владычице, Неупиваемая Чаша, духовную жажду нашу утоляющая.

Кондак 10

Спасти хотя многия, страждущия недугом пианства, чудную икону Твою, Богомати, даровала еси, да вси, одержимии сею страстию, к чудотворному образу Твоему притекают и, получив исцеление, во умилении взывают Богу: Аллилуиа.

Икос 10

Стена еси и щит, Богомати, людем, страждущим недугом пианства, и всем, усердно к Тебе притекающим и икону Твою святую благоговейно чтущим. Ибо сию дарова нам благих податель Господь в помощь и врачевство от губительной страсти, и сим внушает нам пети Тебе:

Радуйся, отчаянных надеждо и печалей наших утоление; радуйся, болезней душевных и телесных исцеление. Радуйся, нашу скверну чистотою Твоею очищающая; радуйся, Своею благодатию наше недостоинство просвещающая. Радуйся, брение наше тленное в нетление облекающая; радуйся, моления наша Твоим предстательством подкрепляющая. Радуйся, в неможении нашем нас утверждающая; радуйся, облегающий нас облак страстей скоро разгоняющая. Радуйся, Владычице, Неупиваемая Чаша, духовную жажду нашу утоляющая.

Кондак 11

Пение наше смиренное, от полноты любви и усердия Тебе приносимое, не презри, Чистая, и не отврати от отчаявшихся и страждущих недугом пианства лика Своего, но помоги им и нам очиститься от всякия скверны греховныя, да возможем достойно и праведно пети Богу: Аллилуиа.

Икос 11

Светоприемную свещу зрим Тя, Пресвятая Дево, ибо образ Твой святый лучами благодати Твоея мглу греховную прогоняет и на светлую стезю добродетелей наставляет с верою зовущих Ти таковая:

Радуйся, заступлением Твоим от суеты мира сего многомятежнаго нас избавляющая; радуйся, приражения страстей плотских отражати нам помогающая. Радуйся, мысль благу в сердце наше полагающая; радуйся, нечистую совесть нашу просвещающая. Радуйся, от мучительнаго недуга пианства страждущих избавляющая; радуйся, к искреннему покаянию и вразумлению призывающая. Радуйся, души всех озлобленных умягчающая; радуйся, на помощь Тя призывающих и имя Твое славящих спасающая. Радуйся, Владычице, Неупиваемая Чаша, духовную жажду нашу утоляющая.

Кондак 12

Благодать Божия, присущая иконе Твоей, “Неупиваемая Чаша” именуемой, влечет к ней, Владычице, всех скорбящих, обездоленных, вдов и стариц, а наипаче же всех страждущих недугом пианства, и не тщетны отходят, Пречистая, от неупиваемой чаши Твоих Божественных дарований, но неоскудно получая цельбы от чудотворнаго образа Твоего, Всеблагая, благодарственно поют Богу: Аллилуия.

Икос 12

Поюще Твоя чудеса и велию милость, людем, одержимым страстию пианства, явленныя, молим Тя, Владычице, спаси и помилуй, и настави нас на стезю праву, и не остави нас, покрова Твоего ищущих и зовущих Ти:

Радуйся, к воздержанию от греха пианства всех подвизающая; радуйся, от пристрастия к вину росою милости Твоея свобождающая. Радуйся, страждущих от тяжкаго греха пианства присное врачевание; радуйся, бедствующим в страстех скорая Помощнице. Радуйся, малодушных дивное ободрение; радуйся, благодушных велия радость. Радуйся, гордых смиряющая; радуйся, смиренныя возвышающая и всем спасения желающая. Радуйся, Владычице, Неупиваемая Чаша, духовную жажду нашу утоляющая.

Кондак 13

О, премилостивая Мати Сладчайшего Господа нашего Иисуса Христа! Нынешнее наше услыши моление и избави нас от всех недугов душевных и телесных, наипаче же свободи страждущих недугом пианства рабов Твоих (имена) , да не во зле погибнут, но да спасенныя Тобою присно вопиют Богу: Аллилуиа.

(Этот кондак читается трижды, затем 1-й икос и 1-й кондак)

Молитва перед иконой Божией Матери "Неупиваемая Чаша"

О, премилосердная Владычице! К Твоему заступлению ныне прибегаем, молений наших не презри, но милостиво услыши нас: жен, детей, матерей; и тяжким недугом пианства одержимых, и того ради от матери своея - Церкви Христовой и спасения отпадающих, братьев, и сестер, и сродник наших исцели. О, милостивая Мати Божия, коснись сердец их и скоро возстави от падений греховных, ко спасительному воздержанию приведи их. Умоли Сына Своего, Христа Бога нашего, да простит нам согрешения наша и не отвратит милости Своея от людей Своих, но да укрепит нас в трезвении и целомудрии. Приими, Пресвятая Богородице, молитвы матерей, о чадах своих слезы проливающих, жен, о мужех своих рыдающих, чад, сирых и убогих, заблуждшими оставленных, и всех нас, к иконе Твоей припадающих. И да приидет сей вопль наш, молитвами Твоими, ко престолу Всевышняго. Покрый и соблюди нас от лукаваго ловления и всех козней вражиих, в страшный же час исхода нашего помоги пройти непреткновенно воздушные мытарства, молитвами Твоими избави нас вечнаго осуждения, да покрыет нас милость Божия в нескончаемые веки веков. Аминь.

Тропарь, глас 4

Днесь притецем вернии / к Божественному и пречудному образу Пресвятыя Богоматери, / напояющей верных сердца / небесною неупиваемою чашею Своего милосердия / и людям верным чудеса показующей. / Яже мы видяще и слышаще духовно празднуем и тепле вопием: / Владычице Премилостивая, / исцели наша недуги и страсти, / моляще Сына Твоего, Христа Бога нашего, спасти души наша.

Кондак, глас 6

Бысть чрево Твое святая Трапеза, / имущая Небеснаго Хлеба, / Христа Бога нашего, / от Негоже всяк ядый не умирает, / якоже рече всех, Богородительнице, Питатель.

, пребывающая в Покровском храме Серпуховского Высоцкого мужского монастыря. Написана иконописцем Александром Соколовым с благословения архимандрита Иосифа в 1993 году.

Икона Божией Матери «Неупиваемая Чаша» , пребывающая в Георгиевском храме Серпуховского Владычнего женского монастыря. Икона написана иконописцем Валерием Поляковым, освящена в 1996 году.

Кондак 1

Избранное и дивное нам избавление даровася Твой образ честный, Владычице Богородице: яко избавльшеся явлением его от недугов душевных и телесных и скорбных обстоянии, благодарственная благохваления приносим Ти, Всемилосердная Заступнице. Ты же, Владычице, Неупиваемою Чашею нами именуемая, приклонися благоутробно к нашим воздыханием и воплем сердечным и избави страждущих недугом пианства, да с верою воззовем Ти: Радуйся, Владычице, Неупиваемая Чаше, духовную нашу жажду утоляющая.

Икос 1

Ангельстии чини и праведников сонми непрестанно славят Тя, Царицу всех Богородицу, ходатайствующую о многогрешнем роде христианстем, погрязшем в беззакониих, пребывающем во гресех: даруеши бо ему во утешение и спасение милость Свою чрез многоименныя чудотворныя иконы Твоя, ихже яко звезды небесныя по всей земли нашей зрим. К единому же от сих образу, Неупиваемая Чаша именуемому, припадающе, из глубины сердца взываем Ти: Радуйся, неприступнаго Божества селение; радуйся, непрестанное людей удивление. Радуйся, скорбьми немощи наша очищающая; радуйся, милость Свою чрез чудотворныя иконы Твоя нам низпосылающая. Радуйся, явлением тех скорбная сердца наша возвеселяющая; радуйся, благодарственная Богу пети научающая. Радуйся, пречудное всех к Богу примирение; радуйся, геенны вечныя избавление. Радуйся, Владычице, Неупиваемая Чаше, духовную нашу жажду утоляющая.

Кондак 2

Видящи, Пресвятая Владычице, сердечныя скорби, душевныя муки и искреннее покаяние людей, одержимых недугом, губительною болезнию пианства, благоволила еси явити богоспасаемому граду Серпухову милость Твою явлением пречуднаго образа Твоего, именуемаго Неупиваемая Чаша, да вси к нему припадающии с верою и сокрушенным сердцем, получивше исцеление от тяжкаго недуга своего, из глубины души вопиют: Аллилуия.

Икос 2

Разум неудобь разумеваемый трикратнаго явления преподобного Варлаама и повеления его путьшествовати в богоспасаемый град Серпухов разумети ища, человек некий, страждущий недугом пианства, отъиде во град Серпухов и обрете тамо во монастыре Владычнем икону Твою святую, Неупиваемая Чаша именуемую. Мы же, видяще таковое Твое о нас, грешных, попечение, с благоговением вопием Ти: Радуйся, чрез благочестивых людей славу чудес Твоих грешником открывающая; радуйся, Путеводительнице прозорливая, путь спасения им показующая. Радуйся, всеблагая наша Наставнице, любовию Твоею нас привлекающая; радуйся, за вся благодеяния Твоя благодарению нас научающая. Радуйся, скорбь нашу в радость претворяющая; радуйся, несумненною надеждою нас увеселяющая. Радуйся, губительныя страсти наша разрушающая; радуйся, благим намерением способствующая. Радуйся, Владычице, Неупиваемая Чаше, духовную нашу жажду утоляющая.

Кондак 3

Сила Вышняго благодатию Владычицы укрепи некоего человека, страждущаго недугом пианства, егда он, нозе разслабленныя имый, иде во град Серпухов, повеление Богоматере, чрез преподобнаго Варлаама возвещенное, исполняя, и обрет Пречистыя Богоматере икону, абие исцеле от недуга своего душевнаго и телеснаго и из глубины души воззва Богу: Аллилуия.

Икос 3

Имуще источник неоскудный и неупиваемую чашу небесных дарований, не токмо людие града Серпухова, но и вси православнии христиане от иных градов и весей к Твоему пречудному образу притекают и, пред ним получающе исцеление, припадающе, благодарственными усты вопиют Ти: Радуйся, Купеле, в нейже вся наша скорби погружаются; радуйся, Чаше, еюже радость спасения нашего восприемлем. Радуйся, немощи наша телесныя врачующая; радуйся, язвы греховныя исцеляющая. Радуйся, страсти наша силою молитв Твоих укрощающая; радуйся, коемуждо просящему по потребе его подающая. Радуйся, милостей сокровище нам открывающая; радуйся, едина Мати, милосердие нам являющая. Радуйся, Владычице, Неупиваемая Чаше, духовную нашу жажду утоляющая.

Кондак 4

Бурю внутрь имуще помышлений сумнительных, но с искренним покаянием притекающе к Твоему неизреченному милосердию, одержимии пианственною страстию получают исцеление и из глубины сердца вопиют Ти: Аллилуия.

Икос 4

Слыша Господь тяжкия скорби жен, стариц и детей, ихже сродницы обуреваеми суть пианственною страстию, дарова им Твою, Владычице, икону, у неяже вси притекающии обретают утешение и радость духовную и вопиют Ти со слезами: Радуйся, Агнице, рождшая Агнца, вземлющаго грехи мира; радуйся, Чаше, черплющая нам радость от источника безсмертия. Радуйся, скорбных матерей утешение, ненадежных надежде; радуйся, скорбящих отрадо. Радуйся, благодати явление; радуйся, веры утверждение. Радуйся, волнение страстей утишающая; радуйся, руку помощи Твоея требующим простирающая. Радуйся, Владычице, Неупиваемая Чаше, духовную нашу жажду утоляющая.

Кондак 5

Боготечную звезду, честную икону Твою показала еси нам, Владычице, юже зряще и с верою сердечною молящеся Тебе, Богородице, глаголем: исцели пианственною и всякою иною болезнию души и тела страждущих, верных же научи воспевати хвалу Богу: Аллилуия.

Икос 5

Видяще чудеса преславная и знамения пречудная, бываемая не токмо от иконы Твоея, Богомати, во граде Серпухове явленныя, но и от всех по подобию сея иконы написанных изображений, припадающе к ним смиренно, вопием Ти: Радуйся, скоропредстательная Помощнице усердно к Тебе притекающих; радуйся, благосердая Услышательнице молений наших. Радуйся, град Серпухов благословением Твоим осенившая; радуйся, и в пределах Московских славу чудес Твоих показавшая. Радуйся, серпуховская Владычице, сокровище исцелении неоскудное; радуйся, инокинь тамо благо подвизающихся всемощная покровительнице. Радуйся, ведущим брань противу мира, плоти и диавола добрая поспешнице; радуйся, и в мире благочестно живущих усердная Заступнице. Радуйся, Владычице, Неупиваемая Чаше, духовную нашу жажду утоляющая.

Кондак 6

Проповедающе чудеса Твоя, Богородительнице, от иконы Твоея, Неупиваемая Чаша именуемыя, бываемая, молим Тя, Пречистая, со слезами: избави всех нас от падений греховных, научающи воспевати Богу: Аллилуия.

Икос 6

Возсияла еси в светлости Божественныя славы, Дево Богородице, на Младенца Предвечнаго Господа нашего Иисуса Христа зрящая, Иже в сосуде аки в неупиваемой чаше предстоит, якоже Тя видим, изображенную на иконе Твоей, Неупиваемая Чаша таинственно нареченной, от неяже избавление пианственныя болезни притекающим с верою даруеши, во еже пети Тебе гласы немолчными сице: Радуйся, о Нейже радуется и торжествует Ангельский собор и человеческий род; радуйся, Еяже слава превосходит похвалы земныя и небёсныя. Радуйся, таинственным изображением Сына в сосуде тайну Божёственныя Евхаристии нам открывающая; радуйся, рожденнаго Тобою Агнца, всегда ядомаго и никогдаже иждиваемаго, нам указующая. Радуйся, Чашею Жизни и безсмертия ко вратам Вёчныя Жизни нас приводящая; радуйся, источником нетления и радости жаждущия души напаяющая. Радуйся, неисчетною благостынею не оставляющая презреннеиших и отверженнейших; радуйся, от рова погибели сердоболием, Твоим исхищающая ненадёжных. Радуйся, Владычице, Неупиваемая Чаше, духовную нашу жажду утоляющая.

Кондак 7

Хотя некии человек возблагодарити Тя, Владычице, за исцеление от пианственнаго недуга, украси Твою пречудную, Богомати, икону, во граде Серпухове пребывающую, из глубины сердца воспевая Богу: Аллилуия.

Икос 7

Новое чудо видим, Владычице, от иконы Твоея святыя: страждущии бо пианственным недугом некии раб Божии Стефан, прибегая к Твоему Матернему предстательству, от тяжкаго недуга своего избавися и, благодаря Тя, благолепными дарами икону Твою украси, и, припадая к неи, со слезами возопи Тебе тако: Радуйся, живоносный источнике исцелении; радуйся, чаше небесная божественных даровании. Радуйся, реко исцелении приснотекущая; радуйся, море, всех наших страстей потопление. Радуйся, благодарственная приношения не отвергающая; радуйся, сердца благочестивых людей возвеселяющая. Радуйся, крепкия веры Подательнице; радуйся, всех благих деянии Исполнительнице. Радуйся, Владычице, Неупиваемая Чаше, духовную нашу жажду утоляющая.

Кондак 8

Странно и сумнительно неверующим слышати, како икона Твоя святая «Неупиваемая Чаша» божественных исцелении источает чудеса. Мы же, верующе словеси Твоему, Владычице, реченному к первописаннои иконе: «С тобою Моя благодать и сила», - веруем, яко от сея иконы Твоея благодать Твоя выну истекает. Темже, благоговейно покланяющеся, лобызаем ю, вопиюще Богу: Аллилуия.

Икос 8

Всё упование людие, страждущии болёзнию пианства, на Тя, Владычице, возлагают, прекланяешися бо немощем и страстем нашим. Кто бо нас, грешных, изведёт из рова погибели и нищеты духовныя и телесныя, аще не Ты, Владычице! Сего ради прекланяем колена пред Твоим пречудным образом и вопием Ти тако: Радуйся, по молитве грешных людей, призывающих Тя в помощь свою, небесную благодать низпосылающая; Радуйся, глубину милосердия Твоего грешным показующая. Радуйся, доблести и веры богатство неистощимое; радуйся, духа уныния и боязни отгнание. Радуйся, отчаявшихся и ненадёжных ободряющая; радуйся, удручённым болёзнию пианства руку помощи простирающая. Радуйся, терпеливых страдальцев дарми благодатными утешающая; радуйся, суетныя радости мира сего презирати нас научающая. Радуйся, Владычице, Неупиваемая Чаше, духовную нашу жажду утоляющая.

Кондак 9

Всякое естество ангельское удивися делу Твоего милосердия, Господи, яко даровал еси грешному роду человеческому Заступницу и Помощницу, к нашим немощем прекланяющуюся, от недуга пианства свобождающую, верныя же научающую пёти Ти: Аллилуия.

Икос 9

Вития человечестии недоумеют хвалити, славная Владычице, Твоея иконы праздник, ниже от скверных устен наших приносимыя Тебе похвалы достойны суть, обаче неисчетная благодеяния, иконою Твоею являемая, видевше, душею и сердцем радующеся, Ти глаголем: Радуйся, яко от лика Твоего чудеса деются; радуйся, отвергающих Тя посрамление. Радуйся, от всякаго зла прибегающих к Тебе избавляющая; радуйся, кротким сиянием Твоим мрак грехов и страстей наших разгоняющая. Радуйся, свеще неугасимая, веры огнь воспламеняющая; радуйся, Благодатная, яко Тобою с нами Бог. Радуйся, добраго ответа нам пред Судиёю Праведным усердная Ходатаице; радуйся, души православных любовию к Тебе и Сыну Твоему исполняющая. Радуйся, Владычице, Неупиваемая Чаше, духовную нашу жажду утоляющая.

Кондак 10

Спасти хотящи люди многия, страждущия недугом пианства, чудную Твою, Богомати, икону нам даровала еси, сего ради одержимии сим недугом к чудотворному образу Твоему притекают и, получивше исцеление, умильно Богу зовут: Аллилуия.

Икос 10

Стена еси и щит, Богомати, людем, пианственною болёзнию страждущим и всём усердно к Тебе притекающим и икону Твою благоговейно чтущим, ибо сию дарова нам благих податель Господь в помощь и врачевание еяже ради внушает нам пёти: Радуйся, отчаянных надежде, печали их утоляющая; Радуйся, Твоею благодатию нас недостойных осиявающая. Радуйся, нашу скверну чистотою Твоею очищающая; радуйся, брёние наше тлённое в нетление обращающая. Радуйся, неможение наше утверждающая; радуйся, облежащии нас облак страстей скоро разгоняющая. Радуйся, от уныния тяжкаго нас избавляющая; радуйся, в молитве ко Творцу всяческих нас укрепляющая. Радуйся, Владычице, Неупиваемая Чаше, духовную нашу жажду утоляющая.

Кондак 11

Пения нашего смиреннаго, от полноты любве и усердия Тебе приносимое, не презри, Чистая, и не отвратися отчаявшихся и страждущих недугом пианства людей, но помози им же и нам очиститися от всякия скверны греховныя, да возможем достоино и праведно пёти Богу: Аллилуия.

Икос 11

Светоприемную свещу зрим Тя, Пресвятая Дёво, и на святей иконе Твоей, посреде лика угодников Твоих, лучами благодати неизречённо блистающу, отнюдуже, во мраце грехов своих просвещеннии и на светлую стезю добродетелей наставляемии, зовём Тя почитании сими: Радуйся, заступлёнием Домники преподобныя избавляющая нас от суеты мира сего многомятежнаго; радуйся, тоя предстательством помогающая нам в борьбе с прираженьми страстей плотских. Радуйся, молитвами священномученика Харалампия мысль благую в сердце нашем полагающая; Радуйся, того ходатайством нечистую совесть просвещающая. Радуйся, молитвами Параскевы мученицы от мучительнаго недуга пианства страждущих избавляющая; радуйся, тоя заступлёнием страждущих к искреннему раскаянию и вразумлению призывающая. Радуйся, купно со священномучеником Антипою озлобленных всех души умягчающая; радуйся, вкупе с ним на помощь Тя призывающих и имя Твоё славящих спасающая. Радуйся, Владычице, Неупиваемая Чаше, духовную нашу жажду утоляющая.

Кондак 12

Благодать Божия, присущая святей иконе, Неупиваемая Чаша именуемой, влечёт к неи, Владычице, всех скорбящих, плачущих, обездоленных, вдов и сирот, наипаче же всех страждущих недугом пианства, и не тщи отходят, Владычице, от неупиваемыя чаши Твоих Божественных даровании, но, неоскудно получающе цельбы от чудотворнаго образа Твоего, Всеблагая, благодарственно поют Богу: Аллилуия.

Икос 12

Поюще Твоя чудеса и велию милость, людей, одержимым пианственною страстию, явленная, молим Тя, Владычице: спаси и помилуй и не остави нас, ищущих Твоего предстательства и зовущих Ти: Радуйся, воистинну бедным Помощнице; радуйся, страждущих присное врачевство. Радуйся, благодушных велия радосте; радуйся, малодушных дивное ободрение. Радуйся, бед и скорбен скорая Избавительнице; радуйся, верных всемилостивая Утешительнице. Радуйся, гордых смиряющая; радуйся, смирённыя возвышающая и всём спасения желающая. Радуйся, Владычице, Неупиваемая Чаше, духовную нашу жажду утоляющая.

Кондак 13

О Премилосердая Сладчайшаго Господа нашего Иисуса Христа Мати, нынешнее услыши наше моление и избави нас от всех недугов душевных и телесных, наипаче же свободи страждущих недугом пианства, да благодарственно вопием Богу: Аллилуия.

Этот кондак читается трижды, затем 1-и икос «Ангелъстии чини.» и 1-и кондак «Избранное и дивное».

Молитва ко Пресвятой Богородице

Царице наша Преблагая, надежде наша, Пресвятая Богородице, приятелище сирых и странных Заступнице, бедствующим помоще и озлобляемых покрове. Зриши нашу напасть, зриши нашу скорбь, отовсюду искушеньми одержими есмы, и несть избавляли. Ты убо Сама помози нам, яко немощным, окорми нас, яко странны, настави нас, яко заблудших, уврачуй и спаси нас, яко ненадёжных. Не имамы бо иныя помощи, ни иного предстательства, ни утешения, токмо Тебе, о Мати всех скорбящих и обременённых. Призри на нас, грешных и во озлоблении сущих, покрый нас пречистым омофором Твоим, да избавлени будем от зол, обышедших нас, наипаче же от пианства, да восхвалим всегда пресвятое имя Твоё. Аминь.

Тропарь, глас 4

Днесь притецем, вернии, к божественному и пречудному образу Пресвятыя Богоматере, напаяющия сердца верных неупиваемою чашею небеснаго Своего милосердия и людем верным чудеса показующия, яже видяще и слышаще духовно празднуем и тепле вопием: Владычице милосердая, исцели наша недуги и страсти, молящи Сына Твоего, Христа Бога нашего, и спаси души наша.

Уже более 100 лет православным христианам известна “Неупиваемая чаша” - молитва от пьянства (рис. 1). Алкоголь, разрушивший не одну жизнь, стал причиной обнаружения волшебной иконы, паломничество к которой не прекращается и по сей день. Часто родственники больного обращаются именно к иконе «Неупиваемая чаша», просят освобождения от пороков, молятся, читают акафист.

Неожиданное обретение иконы

Первое упоминание об иконе относится к XIX веку. Появлению этой иконы предшествовал необычный случай, произошедший в Тульской губернии. Один из жителей губернии имел пристрастие к пьянству. Однажды он увидел сон. В городе Серпухове, куда страдальцу было велено пойти неизвестным старцем из сна, находился монастырь.

Пьющий солдат добрался до этого места с великими трудностями и поведал о своих необычных снах. Служители храма не слышали об иконе, что привело их к замешательству. Проведя полный осмотр всех икон, хранившихся в святом месте, монахи все-таки обнаружили искомую (она висела в малозаметном проходе, а на ее обратной стороне были написаны слова «Неупиваемая чаша»).

Молитва перед иконой помогла, и несчастный мужчина, страдавший от алкоголизма, исцелился. Пагубное пристрастие отступило, вернулось здоровье. Вести о чуде разлетелись очень быстро, и в храм к иконе начали приходить не только страдающие от пьянства, но и их родственники. Молитва иконе давала не только надежду на избавление от порока винопития, она действительно помогала. Многие, страждущие исцеления люди, получили свободу от зеленого змия.

Сама икона «Неупиваемая чаша» в постреволюционные годы была сожжена воинствующими атеистами, однако сохранилось 2 списка с этого чуда. В период попирания христианской веры люди все равно молились, надеясь и прося помощи у Божьей Матери.

Как выглядит чудо и где его поставить дома

Сегодня икону «Неупиваемая чаша» можно купить в любом православном храме. Основная часть картины уделена Богородице, ее образ занимает почти 2/3 иконы. Мать держит руки поднятыми, что говорит о ее просьбах Господу за больных людей. В центре стоит чаша, в которую по пояс помещен Иисус Христос. Считается, что это чаша для святого причастия, символ обретения благодати.

1. Хранить такую икону дома нужно в определенном светлом месте, которое должно быть видно из любого угла комнаты. Это и есть «красный угол».
2. Если нет возможности его организовать, то можно поместить иконы в восточной части комнаты.
3. Стоит знать, что священнослужители не рекомендуют вещать иконы. Лучше всего установить полки для святых изображений.

Считается, что можно ставить «Неупиваемую чашу» на прикроватную тумбочку, чтобы и во сне быть под защитой иконы. В таком случае недопустимы на тумбе книги, предметы личной гигиены лучше убрать в другое место.

Молитвы и правила их чтения

Люди молятся как в церкви, так и дома. Нужно помнить, что для эффективного обращения к Богу необходимо быть в соответствующем духовном состоянии, никакие бытовые вещи не должны отвлекать человека.

Часто верующие люди получают рекомендации от священников по таким вопросам, как время молитвы, положение тела и одежда во время ее совершения, как и сколько раз читать акафист. Заранее известен текст.

Однако современный человек понимает, что молитва сродни медитации и не всегда может быть обусловлена наличием платка на голове женщины или точным временем для общения с Богом.

Что представляет собой молитва “Неупиваемая чаша”? Обращение, прославление и просьбу к Богу. Современная церковь может разграничить молитвы по силе действия и по адресату (можно молиться Богу или Богородице, а также святым угодникам). Часто рекомендуется первую за день молитву читать на голодный желудок, стоя на коленях или сидя.

После этого можно читать акафист (это обращение к святым угодникам, имеющее в своей структуре несколько икосов и кондаков). Если верующий не запомнил его наизусть, то читать стоит по записям. Слова рекомендовано произносить вслух, чтобы проникнуться необходимым состоянием.

Молитва от пьянства

Рисунок 1. Текст молитвы.

Алкоголизм может поразить любого человека. Традиционно считается, что к молитве «Неупиваемая чаша» прибегают чаще женщины, стремясь найти и обнаружить средство от пьянства мужа или сына. Однако это не совсем так. Среди прихожан православной церкви немало и мужчин, просящих за своих жен, сестер и детей.

Молитва от пьянства сына сильная, как ни одна другая, читается 40 дней подряд. В ней сначала идет обращение к Богородице, описание ее милосердия. Затем называется порок и просьба избавить от него страждущих, также люди просят помиловать их близких. Вместе с такой молитвой читается акафист. Моление возможно как в храме, так и вне его стен.

1. Часто верующие люди обращаются к иконе «Неупиваемая чаша» для избавления от зависимостей (алкоголизм, наркомания, курение).
2. Читая молитвы, прося за самих себя и близких, придерживаясь поста (духовного и плотского), люди получают надежду и реальную поддержку единоверцев.
3. Не переставая верить, совершают целые паломничества к монастырям, где хранятся чудотворные иконы.

Паломники

Сегодня в России в городе Серпухове содержатся 2 копии иконы «Неупиваемая чаша». Один список находится в женском монастыре, а другой - в мужском. Эти иконы признаны чудотворными. Люди со всего мира приезжают, чтобы совершить моленье, просят помощи и обретают прощение и силы жить дальше. Недаром изображенная чаща считается символом благодати и утешения в горестях, символом радостей иного порядка, нежели вульгарное одурманивание рассудка.

Атеисту сложно верить в великую силу иконы, в действенность молитв и акафистов. Сложно уповать на помощь Девы Марии, видя страдания от химических зависимостей своих родных. Еще сложнее посетить Серпухов, пообщаться со служителями монастыря и увидеть множество тех, кому “Неупиваемая чаша” - молитва от пьянства - действительно помогла. Люди, страдающие наркоманией и алкоголизмом, освободившиеся от своих пороков благодаря молитве и посту, посетившие город с чудотворной иконой, говорят о том, что в современном мире осталось место для чудес.